Fampianarana

Taranja matematika Mihena ny fitiavan’ny mpianatra azy

Fampianarana
Alatsinainy 16 Desambra 2019

Misy ny fifaninanana mitondra ny lohateny hoe “Rallyes Mathématiques” karakarain’ny Ministeran’ny fanabeazam-pirenena sy ny vondron’ny mpampianatra matematika (GEMMA) miaraka amin’ny masoivohon’ny Frantsa.

Ambany ary mihena hatrany ny tahan’ny mpianatra misafidy sy tia ny taranja siantifika eto Madagasikara. Noho izany indrindra no hikarakarana ity fifaninanana ity mba hampitomboana ny fitiavan’ny ankizy ny taranja matematika ary ny mba tsy atahorana izany intsony. Nanambara ihany koa ny Filohan’ny GEMMA, Ramahazosoa Parker fa mampalahelo ny zava-misy eto amin’ny firenena satria mihen-danja ny siantifika indrindra ireo matematisiana. Ny siansa sy ny fiainana ary na ny fivoaran’ny toekarena arahina isan’andro io aza dia miainga amin’ny matematika. Kolejy sy lisea amina faritra 9 moa no voakasika amin’ity fifaninana ity ary anatiny ny faritra Analamanga. Ahitana sokajy maro izany ary eny amin’ny CISCO ny fanoratana anarana hatramin’ny 1 febroary 2020 ho avy izao.

Tsirinasolo