Fampianarana

Taranja matematika Hampidirina kokoa amin’ny nomerika

Fampianarana
Alarobia 17 Jolay 2019

Ny 16 ka hatramin’ny 25 jolay izao no hotanterahana eny amin’ny oniversiten’Antananarivo,

eny Ankatso, ny fampiofanana hampidirana kokoa ny fampiharana ny taranja matematika amin’ny fampifandrasaisana azy amin’ny tontolon’ny nomerika, indrindra, manoloana izao fivoaran’ny teknolojia izao. Ny avy eo anivon’ny MISA, izay ivontoerana mikirakira ity taranja ity sy ny informatika ary ny fampiharana ireo antontan’isa miara-miasa amin’ny orinasam-pifandraisana Telma sy ny foibe iraisampirenena momba ny fampiharana matematika na CIMPA no miara-miombon’antoka amin’ny fikarakarana azy ity. Mpikambana eo anivon’ny Misa manerana ireo oniversite eto Madagasikara dia i Antananarivo sy Fianarantsoa ary ireo oniversite vahiny toa an’i Paris 7 sy Paris 13, ireo ivontoerana ambony momba ny matematika aty afrika toa an’I Senegal sy Roanda no akana ireo 60 mianadahy hisitraka ity fiofanana ity. Tanjona ny hahafahan’ireo mpiofana manatsara ny fifehezany izay fampifandraisana ny matematika sy nomerika izay, raha ny fanazavana hatrany.

J. Mirija