Fampianarana

TANORA MANAMPAHAIZANA Mitombo isa hatrany eto amintsika

Fampianarana
Zoma 07 Desambra 2018

Mitombo isa hatrany ireo tanora manampahaizana eto amintsika. Miisa 80 mianadahy indray izy ireo no indray navoakan’ny sekoly ambony ISFPS Leader eny amin’ny 67 ha teny Ambohimanambola omaly misalotra ny anarana Fanilo.

Ny 20 amin’izy ireo no notolorana ny mari-pahaizana Diplômes de technicien superieur raha nahazo ny licence kosa ny 60 ambiny. Raha araka ny fanazavan’ny filoha tale jeneralin’ny sekoly Atoa Tsimiondre Mahasoa dia tena niavaka ireto andiany navoakany teto Antananarivo ireto. Ho afaka hanohy fianarana any amin’ireo firenena fito any ivelany mpiara-miombon’antoka amin’ny sekoly mantsy izy ireo ankoatra ireo maniry te-hiditra eo amin’ny sehatry ny asa avy hatrany. Lohalaharana amin’izany ireo niofana ho paramed, ireo nianatra lalàna raha tsy latsa-danja amin’izany ihany koa ireo nianatra momba ny serasera sy ny transit et douane ary ny science de la santé. Hahazo valim-pitia avy amin’ny sekoly avy hatrany moa ireo major tamin’ity taona ity satria dia hoentina hitsangatsangana any Foulpointe maimaimpoana avokoa izy ireo. Any Maorisy kosa no hoentina ireo major des majors amin’ny taona ho avy. Mbola mitohy ny fisoratana anarana ho an’ny sekoly ambony ISFPS Leader.

Pati