Fampianarana

Tanora Malagasy Tsy mahalala ny fianarana tokony hataony ny ankamaroany

Fampianarana
Alakamisy 13 Aprily 2017

Mbola betsaka ireo ankizy sy tanora tsy mahalala akory ny fianarana tokony hataony eto amintsika, araka ny fanadihadiana nataon�ny fikambanana Fanorina teny anivon�ireny sekoly isan-tsokajiny ireny.

Ny ankamaroan’izy ireny, hoy ny filohan’ny fikambanana Barinjaka Randriamilandy dia mianatra fotsiny fa tsy mahalala akory ny taranja tena hainy, ny asa tokony hatao mifandraika amin’izany rehefa any aoriana. Vitsiana ihany koa ireo ray aman-dreny manara-maso, antony mahatonga ireo ankizy mpianatra hisafidy lalam-piofanana marobe ary mitety izany rehefa tonga eny amin’ny anjerimanontolo izay miafara amin’ny tsy fahitana asa mihitsy amin’ny ankapobeny. Mba ho fanampiana ny tsirairay, indrindra ireo ankizy mpianatra dia namoaka gazety boky vaovao misy 26 pejy, mitondra ny lohateny hoe : Ho aiza ? ny fikambanana Fanorina. Hafatra goavana fonosin’io boky io ny fampirisihina ny ray aman-dreny ny amin’ny tokony hanarahany maso akaiky ny fianaran-janany mba hananana ho avy mamiratra ankoatra ny fijoroana vavolombelona ataona mpianatra sy tompon’andraikitra ambony nanatanteraka izany ka tafavoaka soa aman-tsara tamin’ny fiainana. Ny vondrona Eoropeanina moa no mamatsy vola azy ireo, boky nozaraina maimaimpoana teto an-drenivohitra nanomboka omaly.

Pati