Fampianarana

Serasera, informatika Anisan’ny lalam-piofanana mbola tena mahaliana ny mpianatra

Fampianarana
Zoma 15 Febroary 2019

Anisan’ny lalam-piofanana mbola tena mahaliana ny tanora Malagasy eto amintsika amin’izao ny serasera sy ny informatika.

Ho azy ireo mantsy dia anisan’ny mora ahitana asa kokoa ireo lalam-piofanana ireo raha oharina amin’ny hafa no sady hahazoam-bola haingana raha voafehy tsara. Nivoitra ireo nandritra ny fanokafana ilay “Salon de l’étudiant” volana Febroary karakarain’ny Madajeune etsy amin’ny lapan’ny kolontsaina sy ny fanatanjahantena etsy Mahamasina. Hifarana anio zoma izany ka ankoatra ny toro-hevitra omena ireo tanora mpianatra sy ny ray aman-dreniny dia misy ihany koa ilay karazana bokikely amin’ny vidiny 2.000 Ar hanampiana ireo mpianatra hahalala tsara ireo karazana sekoly ambony tsy miankina azo antoka eto an-drenivohitra. Manodidina ny 20 isa ireo sekoly ambony mandray anjara amin’izany izay nomarihin’Atoa Lahatra Andriamahatsangy fa misy ny tena vaovaobe tokoa ankoatra ireo efa mpandray anjara nefa manana ny maha-izy azy hatramin’izay.

Pati