Fampianarana

Sekoly tsy miankina Efa miomana amin’ny fanadinana manaraka indray ny mpianatra

Fampianarana
Alatsinainy 02 Jolay 2018

Efa tapitra mamarana ny fandaharam-pianarany avokoa ankehitriny ny ankamaroan’ireo sekoly tsy miankina manerana ny Nosy, iray volana mahery mialoha ny hiatrehana ny fanadinam-panjakana CEPE .

Raha ny fanadihadiana natao tamina sekoly tsy miankina iray eto an-drenivohitra dia efa miomana amin’ny fanadinana andrana faharoa indray ireo mpianatra ao aminy hiatrika ny fanadinam-panjakana amin’ity volana jolay ity raha efa mandeha hatrany ny famerenan-desona sy ny fanomezana ny mpianatra ireo karazana laza adina nisy teo aloha hatramin’izay. Eo an-danin’izay kosa anefa dia tsy mianatra ihany ireo mpianatra eny anivon’ny sekolim-panjakana noho ny fitokonan’ireo mpampianatra. Ho ana CEG iray eny Atsimondrano eny dia voatery manavo-tena any amin’ireo namany mpianatry ny sekoly tsy miankina ny ankamaroan’ireo mpianatra ao aminy, indrindra fa ireo hiatrika ny fanadinam-panjakana. Tsy voahaja intsony ny zon’ireo ankizy mpianatra hahazo fahalalana mitovy sy tsy mitanila eto amintsika. Misy amin’ireo mpampianatra mitokona ireo anefa no mampianatra eny anivon’ny sekoly tsy miankina ary mahazo karama ihany ankoatra ny karama raisiny any amin’ny fanjakana tsy tapaka isam-bolana.

Pati