Fampianarana

Sekoly Madecasse Mankalaza ny fahenim-polo taonany

Fampianarana
Alakamisy 13 Aprily 2017

1957-2017 ! Feno 60 taona ankehitriny ny sekoly Madecasse. Teny Andravoahangy no niandohany ary ankehitriny dia efa eny Ampasika sy Bemasoandro ary Ambohijafy Itaosy no misy azy.

Omaly alarobia 12 aprily dia nankalazaina teny Antsahamanitra ny fanamarihana notronin’ny mpianatra sy mpanabe, nanasana an’i José (tarika Hasina) sy tonton Pa (tarika Rebika) ary i Marion. Tsy hitsahatra ny fanamarihana raha tsy amin’ny Paska 2018. Telo mirahalahy no nanorina ny sekoly tamin’izany, dia Andriamatoa Ravalison Edmond sy Gaston ary Raymond izay efa nodimandry avokoa. Ravalison Herilanja sy Sedera no mitantana sy mamelomaso ny sekoly ankehitriny. Mahatratra 3 000 ny mpianatra ao amin’izao manomboka ny garabola ka hatramin’ny famaranana A sy D, 85 ny mpanabe. “ Fahaizana ombam-pahendrena” no tarigetran’ny sekoly. Sekoly tsy miankina fa voataiza ara-kristianina ny ankizy beazina ao izay marihina fa zanaky ny ambany tanàna ny ankamaroany nefa tsy mena-mitaha ny vokatra.

Rabeso