Fampianarana

Sekoly ambony UPRIM Amin’ny volana martsa ny fidirana manaraka vaovao

Fampianarana
Alakamisy 24 Janoary 2019

Mba ho fitsinjovana ireo mpianatra mbola naka aina kely taorian’ny fiatrehana ny fanadinana bakalôrea taona 2018 dia hanatanteraka fidirana andiany faharoa indray ny sekoly ambony UPRIM amin’ny volana martsa ho avy izao. Ny L1, L2, L3 ary ny M1 sy ny M2 no

handraisana mpianatra amin’ireo lalam-piofanana miisa dimy nahafantarana azy ireo hatramin’izay dia ny “gestion et management”, ny “commerce et marketing”, ary ny “droit et communication”. Fa tsy latsa-danja amin’ireo ihany koa ny lalam-piofanana “paramédicaux” izay hanofanana mpampivelona sy mpitsabo mpanampy hotolorana ny maripahaizana “licence”. Horaisina ao anatin’izany avokoa ireo mpianatra hiditra ao amin’ny taona voalohany ka hatramin’ny taona fahatelo. Mampiavaka ny UPRIM amin’ity lalam-piofanana iray farany ity raha araka ny fanazavan-dRakotovaorison Haingo Nadia, tompon’andraikitra voalohany eo anivon’ny sekoly ny fahafahan’ny mpianatra miatrika fianaran’asa avy hatrany na dia mbola ao amin’ny taona voalohany aza. Tsiahivina moa ho an’ny sekoly ambony UPRIM ao Mahajanga fa nahazo fotodrafitrasa tena raitra ireo mpianatra any an-toerana. Ao amin’ny “Centre commercial dame de coeur “ ao Mangarivotra no ahitana izany, miaraka amin’ireo fitaovana vaovao nohafarana avy any Alemana.

Pati