Fampianarana

Sekoly ambony tsy miankina Maro ireo mpianatra no misedra olana

Fampianarana
Alatsinainy 02 Aogositra 2021

Maro ireo mpianatra eny anivon’ny sekoly ambony tsy miankina no misedra olana vokatry ny fiparitahan’ny valan’aretina Covid 19.

Anisan’ny tena betsaka tao anatin’izany ireo tsy mahaloa saram-pianarana ankoatra ireo tsy mahavita mividy fitaovana, raha araka ny fanadihadiana natao hany ka voatery mijanona antenantenany. Ho an’ny sekoly ambony tsy miankina ISPM manokana ohatra dia fantatra fa maromaro ihany ireo mpianatra tao aminy no niharan’izany raha araka ny fanazavan-dRazafindrahety Aimée, tompon’andraikitra eo anivon’ny sekoly. Na izany aza anefa dia miezaka hatrany ny sekoly manampy sy manohana ireo mpianatra mba hahavitany hatramin’ny farany ny fianarany raha mbola azo hatao. Tsiahivina moa fa na dia teo aza ny fihibohana dia niezaka hatrany ny ISPM nanome fampianarana ireo mpianatra tamin’ny alalan’ny internet mba tsy hahabanga ny fianaran’izy ireo. Handray ireo mpianatra vao afa-panadinana Bakalorea vaovao indray izy ireo amin’ity taona ity ka fantatra fa amin’ny volana Oktobra ho avy izao no hanatanterahana ny fifaninana hidirana ao amin’izy ireo na koa amin’ny alalan’ny fisivanana ireo dosie rehetra voaray. Eken’ny fanjakana moa diplaoma havoakan’ny ISPM ka hahafahan’ireo mpianatra mivoaka ao aminy miasa avy hatrany.
Pati