SEKOLY AMBONY ISPPS STI

Namoaka mpiasan’ny Fahasalamana 87 mianadahy

Fampianarana
Zoma 29 Novambra 2024

Namoaka mpiasan’ny Fahasalamana miisa 87 mianadahy ny Sekoly ambony Institut Superieur des Paramedicaux et Promotion de la Sante de la Science et Technologie de l’information,

tarihin-dRamanahirana Gerard. Teny amin’ny Yandy By Pass no nanatanterahana ny lanonana mifandraika amin’izany omaly mpianatra nivoaka ho mpampivelona, infirmiera ary anestezista. Andiany faha-10 izy ireo, misalotra ny anarana« Miavaka » na ny hoe « Mitandro ny ain’ny vahoaka aho ka hanaja ny asako ! Notolorana ny diplaoma Licence izy ireo rehefa nahavita fianarana nandritra ny 3 taona narahin’ny fanohanan-kevitra sy ny fihanihanana nataony. Maro amin’izy ireo no efa nahita asa araka izany. Misy ihany koa anefa ireo mbola hanohy haka ny mari-pahaizana Master. Mampiavaka ity andiany ity moa ny fahaizan’izy ireo sy ny fananany finiavana ary ho tena mpiasan’ny Fahasalamana mamaly ny filam-bahoaka marina indrindra fa ny fampihenana ny taham-pahafatesana eto amintsika.
Pati
Legende : Ireto tovovavy ireto izao nivoaka ho anestezista !