Fampianarana

Sekoly ambony INSPNMAD Namoaka Paramed 321 mianadahy

Fampianarana
Sabotsy 12 Mey 2018

Ho fanomezan-tanana ny fitondram-panjakana, indrindra ho fiarovana ny ain’ireo reny sy zaza Malagasy dia namoaka paramed miisa 321 ny sekoly ambony INSPNMAD ny alakamisy teo.

Ny 166 mianadahy amin’ireo dia mpampivelona avokoa, 131 mpitsabo mpanampy, sivy manampahaizana misahana ny laboratoara raha miandraikitra ny management de qualité de sécurité et des soins kosa ny 15 ambiny. Notolorana ny maripahaizana Master II avokoa izy ireo ary efa afaka miasa avy hatrany. Nomarihin-dRtoa Hianta Marie Lucienne, lehiben’ny departemanta nasionaly momba ny fanabeazana eo anivon’ity sekoly ambony iray ity fa ny hahafahana mampitombo ny isan’ireo mpampivelona eto amintsika no tanjona izay mbola 16.000 ho ana vehivavy iray. Hiparitaka manerana ny Nosy izy 321 mianadahy ireo ka na tsy hahazo asa eny anivon’ny hopitalim-panjakana aza dia afaka manokatra tobim-pitsaboana ho an’ny tenany manokana. Tonga nitarika ny lanonana ny filoha mpanorina ny sekoly Atoa Razanadrakoto Rolland Albert. Ankoatra ny sekoly tsy miankina tahaka izao moa dia fantatra ihany koa fa hanangana sekoly roa lehibe eto amintsika hamokatra Paramed ny fitondram-panjakana.

Pati