Fampianarana

Sehatry ny fanabeazana Hifarana amin’ity herinandro ity ny roa volana voalohany

Fampianarana
Alakamisy 28 Oktobra 2021

Hifarana rahampitso zoma 29 oktobra ny roa volana voalohany nisantarana ny taom-pianarana 2021-2022 ho an’ireo mpianatra eny anivon’ny sekoly ambaratonga voalohany sy faharoa ary fahatelo ho antsika eto Madagasikara.

Hiditra ao anatin’ny fialan-tsasatry ny Toussaint mantsy ny mpianatra manomboka afaka rahampitso Sabotsy ka hatramin’ny 07 novambra ho avy izao. Raha araka ny fanadihadiana natao teny anivon’ireo sekoly tsy miankina sasantsasany teto an-drenivohitradia fantatra fa vao ny 10%-n’ny fandaharam-pianarana no vita hatreto. Tsy mbola afaka nanoatra loatra ny sekoly hoy ny fanazavana noho ny fampitoviana lenta ny fahaizan’ny mpianatra sy ny famerenana tsy maintsy natao, izay samy takaitra navelan’ny valan’aretina Covid 19 avokoa. Mbola hita taratra izany hoy hatrany ireo mpampianatra nandritra ny fanadinana nampanaovina ireo mpianatra tamin’ity herinandro ity. Mbola betsaka ireo lesona tsy voafolaka na dia efa natao tamin’ny taon-dasa avokoa aza. Hisy moa ny varavarana misokatra hihaonan’ireo mpampianatra amin’ireo Ray aman-dRenin’ny mpianatra amin’ny volana novambra ho avy izao hahafahana mifanome tanana sy manome ny toro-marika rehetra hampahombiazana ireo mpianatra amin’ny fiatrehana ity taom-pianarana vaovao ity.
Pati