Fampianarana

Seces Antananarivo Hanamafy fitakiana raha tsy afa-po

Fampianarana
Zoma 02 Martsa 2018

Nanao fivoriambe teny amin’ny oniversiten’Antananarivo eny Ankatso omaly ny avy eo anivon’ny sendikan’ny mpampianatra mpikaroka (Seces), sampana Antananarivo, nanapahan’izy ireo hevitra mikasika ny olana mianjady amin’ny fampianarana ambony ankehitriny.

Mitaky ny handraisan’ny fitondram-panjakana fepetra hentitra ka handoa ny saram-pikarohan’izy ireo tsy ho ela (indemnité de recherche) ireo mpampianatra mpikaroka. Anisan’ny takian’izy ireo koa ny hamaritana mazava ao anatin’ny lalàna ny famerana ny ora fanampiny 125 ora isan-taona tokony hiasany. Mitaky ny fandoavana ny ora fanampiny andiany faharoa (2e tranche) tamin’ny taona 2015 sy ora fanampiny andiany voalohany ny taona 2016. Takian’izy ireo koa ny hampitoviana ny oniversite manerana ny nosy ary raha tsy mahafa-po ny fandraisan’andraikitry ny fitondrana manoloana izany dia ho mafy ny fitakiana izay hotontosain’izy ireo eo amin’ny tokotanin’ny oniversiten’Ankatso ny 7 martsa izao. Efa nanambana ny hampiato fampianarana sy tsy hamoaka ny vokatry ny fifaninanana hidirana eny amin’ny anjerimanontolo moa ireto Seces ireto nialoha izao.

J. Mirija