Fampianarana

Partagé sur :
• facebook

Hotanterahina ao amin’ny Lapan’ny kolontsaina sy ny fanatanjahantena Mahamasina anio alakamisy 7 sy rahampitso zoma 8 septambra ny hetsika lehibe momba ny fampianarana ambony, fantatra amin’ny anarana hoe : « Salon des Etudes Sup’ », karakarain’ny Madajeune.

Hotanterahina ao amin’ny Lapan’ny kolontsaina sy ny fanatanjahantena Mahamasina anio alakamisy 7 sy rahampitso zoma 8 septambra ny hetsika lehibe momba ny fampianarana ambony, fantatra amin’ny anarana hoe : « Salon des Etudes  Sup’ », karakarain’ny Madajeune. Efa miditra amin’ny andiany faha-14 ny hetsika amin’izao fotoana. Manodidina ny 70 ireo oniversite tsy miankina sy ivontoeram-pampianarana ambony mandray anjara amin’izany, ka tranoheva hatrany amin’ny 100 no hita eny Mahamasina. Araka ny fanazavan’i  Lahatra Andriamahatsangy, mpanorina ny Madajeune moa dia hampiavaka ny hetsika ihany koa ny tetikasa iray antsoina hoe : « PIPOM », hanoroana hevitra ireo mpianatra mikasika ny lalam-piofanana tokony harahiny sy ny asa mifandraika amin’izany any aoriana, ka tsy handeha an-jambany fotsiny ny mpianatra. Azo Jifaina mandritra ny hetsika ihany koa ny boky « Guide des études et Formation » novokarin’ny Madajeune izay hanampy ny mpianatra amin’ny fitadiavana fianarana azo antoka hahafahana miady amin’ny tsy fananan’asa. Anisan’ny mpanohana, ary mandray anjara mavitrika amin’ity hetsika goavana momba ny fampianarana ity ny sekoly ambony ITU University, izay manana ny foibeny eny Andoharanofotsy.

Toky R

Tia Tanindrazana

Samia mijoro ho an'i Gasikara.