Fampianarana

Salon des Etudes Internationales Lalam-piofanana 1000 no azo isafidianana

Fampianarana
Zoma 02 Martsa 2018

Tena nahavory tanora marobe tokoa hatramin’ny omaly andro voalohany ilay “Salon des études Internationales” karakarain’ny Madajeune etsy amin’ny hotel Cartlon Anosy. Sekoly avy amina firenena maro toa an’i Alemana,

Etazonia, Frantsa, Maorisy no mandray anjara amin’izany mampiranty lalam-piofanana hatrany amin’ny 1.000 isa. Tanjona, hoy Andriamahatsangy Lahatra, tompon’andraikitra voalohany eo anivon’ny Madajeune ny hahafahana manatanteraka ny nofinofin’ireo tanora Malagasy, indrindra ireo maniry ny hanohy fianarana any ivelany. Manomboka amin’ny 0 Ar ny vola ilaina amin’izany, hoy izy ho an’ireo mahazo vatsim-pianarana raha mahatratra hatrany amin’ny 12 tapitrisa Ar kosa raha kely no ilaina ho an’ireo te-hanita-pahalalana fotsiny ihany sy hitrandraka asa maharitra any ivelany raha araka ny fanazavan’Atoa Jacky Fanambinana, tompon’andraikitra eo anivon’ny Faneducation izay efa tena efa havanana tokoa amin’ny fandefasana mpianatra Malagasy mankany ivelany. Nambarany fa miezaka ny Fanéducation manampy ny mpianatra entina hanamaivanana izany sady manoro hevitra ihany koa. Ireo firenen-dehibe toa an’i Etazonia, Canada, Autriche ary Inde ankehitriny no tena hananany sekoly ambony maro afaka mandray ireo mpianatra Malagasy.

Pati