Fampianarana

Salon de la rentrée universitaire Hanampy ny mpianatra amin’ny fiatrehany ny hoaviny

Fampianarana
Alarobia 24 Oktobra 2018

Hotanterahina manomboka rahampitso alakamisy eny amin’ny Village Voara Andohatapenaka, haharitra roa andro, ilay hetsika « Salon de la rentrée universitaire » amin’ity taona 2018 ity.

Ankoatra ireo mpianatra vao afa-panadinana bakalôrea dia anisan’ny omena torohevitra mandritra izany ireo mpianatra efa manana ny mari-pahaizana licence ka mbola mazoto hanohy ny fianarany. Sekoly ambony tsy miankina marobe no handray anjara amin’izany izay hampahafantatra ihany koa ny mahasamihafa ny fampianarana eny anivon’ny oniversitem-panjakana sy ny sekoly tsy miankina. Anisan’ireny ny sekoly ambony ISPFS Leader. Hampiavaka azy ireo ny fampahafantarana ny mpianatra ny asa mety hataony any aoriana rehefa misafidy lalam-piofanana iray izy arahin’ny lalàna mifehy ny asa. Tafiditra ao avokoa ny lalam-piofanana lalàna, ny fitantanana, ny fifandraisana, transit et douane ary ny paramed izay tena mampalaza azy ireo. Tsiahivina fa efa nandalo teto Madagasikara tamin’ny herinandro lasa teo ny ambasadaoron’izy ireo any amin’ireo oniversite miisa dimy any Eoropa hiara-kiasa aminy. Vonona tanteraka izy ireo ny amin’ny fandraisana ireo mpianatry ny ISFPS Leader maniry ny hanohy fianarana any ivelany. Aorian’ny fahavitan’ny fianaran’ireo mpianatra moa dia azony atao tsara ny mividy ilay trano nipetrahany ho an’ireo izay maniry ny hiasa any an-toerana.

Pati