Fampianarana

Rafi-pampianarana eto Madagasikara Tokony hovana hifanaraka amin’ny fivoarana, hoy Ratrema William

Fampianarana
Sabotsy 03 Novambra 2018

Mitombo isa hatrany ireo tanora nahavita fianarana eto amintsika saingy tsy mahita asa. Ilana fampiharana paikady hafa mihitsy ny fijerena manokana ireny tanorantsika ireny, hoy Ratrema Willliam, lehiben’ny vondrom-panabeazana Aceem omaly.

Tokony hovana hifanaraka amin’ny fivoarana misy ankehitriny ny rafi-pampianarana eto amintsika, hoy izy, indrindra fa amin’izao firoboroboan’ny teknolojia izao. Vao any amin’ny sekoly ambaratonga fototra ny mpianatra iray, hoy Ratrema William dia efa mila beazina sy hampianarina hahay hampiasa ireo akora fototra misy ao amin’ny faritra misy azy hahafahany miroso eo amin’ny sehatry ny asa avy hatrany ho an’ireo tsy lasa alavitra. Ho an’ireo mbola afaka manohy fianarana eny amin’ny anjerimanontolo kosa dia tokony hojeren’ny fanjakana tsara ireo sekoly omena ny “habilitation” hahafahan’ireo mpianatra mahita asa soa aman-tsara aorian’ny fianarana izay norantoviny. Nomarihiny manokana fa ny lalam-piofanana lalàna sy fitantanana no tena mahaliana ny tanora eto amintsika ankehitriny noho izy ireo miroborobo sy mahazo vahana hatrany. Anisan’ny mandray anjara amin’ilay “Salon des etudes” tanterahina etsy Mahamasina izy ireo nanomboka omaly sady mpanohana ihany koa.

Pati