Fampianarana

Oniversiten’i Toliara Norarafana lakrimozenina ireo mpianatra nidina an-dalambe

Fampianarana
Alatsinainy 10 Febroary 2020

Mpianatra maromaro tao amin’ny oniversiten’i Maninday Toliara no voalaza fa nisy dahalo nanafika ny sabotsy hariva teo.

Lasa daholo ny fananan'ny mpianatra, toy ny solosaina, vola, fitafiana, fanaka, lovia sy vilany ... Nisy mpianatra voafira famaky ka naiditra ao amin’ny hopitalibe manaraka fitsaboana haingana, raha ny vaovao azo. Noho izany dia tezitra ireo mpianatra rehetra ao nanao fihetsiketsehana goavana ny faran’ny herinandro teo. nitokona naneho ny alahelony sy ho firaisankina ary mikatsaka mafy ireo nahavanon-doza. Eo ihany koa ny fiandrasana ireo tompon'andraikitra eny amin’ny oniversite sy ny mpitandro ny filaminana. Nisy ny fidinana an-dalambe omaly alahady. Niditra an-tsehatra nandrava ny hetsika ny mpitandro filaminana ka nirefodrefotra ny grenady mandatsa-dranomaso omaly. Mafampana ny toe-draharaha ao amin’ny oniversiten’i Maninday ao Toliara. Andrasana izay ho fivoaran’ny raharaha amin’izao fiandohan’ny herinandro izao.

Toky R