Fampianarana

Oniversitem-panjakana Hampiditra mpampianatra 600 isa

Fampianarana
Talata 16 Jona 2020

Miisa 1 028 823 ny mpianatry ny oniversitem-panjakana eto Madagasikara, raha ny tatitry ny minisiteran’ny fampianarana ambony sy fikarohana ara-tsiansa. 17 66

kosa ny mpampianatra-mpikaroka ary 333 ny mpikaroka-mpampianatra. Vinan’ny minisitera ny hampiditra mpampianatra-mpikaroka vaovao 600 ao anatin’ny roa taona. Isan-taona, dia 70 000 eo ho eo ny afaka bakalorea. Tsy afaka mandray afa-tsy 20 000 anefa ireo oniversitem-panjakana miisa 6 eto Madagasikara, ka tsy maintsy makany amin’ny tsy miankina ny 50 000 ambiny. Mijanona avy hatrany amin’ny fianarana ireo izay tsy afaka manohy amin’ny amabaratonga ambony. Izay no antony hananganana oniversitem-paritra amin’ireo faritra 22, raha ny nambaran’ny minisitra Elia Béatrice Assoumacou. Ho an’ity taona 2020 ity, dia efa mandeha ny fananganana ny Oniversitem-paritra any Vakinankaratra, Itasy, Analanjirofo, Menabe.

Toky R