Fampianarana

Olan’ny politeknika Nifampiraharaha ny mpianatra sy ny minisitera

Fampianarana
Alarobia 15 Martsa 2023

Nanatanteraka fihaonana tamin’ny minisitera ny mpianatra ao amin’ny Politeknika, Votovorana omaly talata 14 martsa 2023.

Mba amahana ny olana izay sedrain’ity toeram-pampianarana ambony ity ny antony izao fihaonana izao. Nifampidihan’izy ireo tao ny momba ny vatsim-pianarana izay efa nandrasan’izy ireo am-bolana maro. Ao ihany koa ny fanavaozana ny trano fonenan’ny mpianatra sy ny jiro izay efa an-dalam-panamboarana ary ny rano izay azo hifampiresahana amin’ny jirama. Nanamafy hatrany ny ministera fa azo atao tsara ny mifampiresaka amin’izy ireo , ary fifampidinihan’ny ray aman-dreny sy zanaka arahana anatra izany amin’ny mbola maha mpianatra azy ireo. Marihina moa ireo mpitarika fikambanana isan-tsokajiny eny amin’ny politekinika, Vontovorana mivondrona ao amin’ny FMPA no nanatanteraka ny fifampidinihana. Niarahan’izy ireo tamin’ny tompon’andraikitra tao amin’ny minisiteran’ny fampianarana ambony sy ny fikarohana ara-tsiantsa, tao aorian’ny filohan’ny mpianatra pedagojika eny amin’ny Oniversiten’Antananarivo.
Princh Lucas (Miza-draharaha)