MPIANATRY NY EPP ETO ANTANANARIVO

Sahirana ara-pivelomana ny 99%

Fampianarana
Alatsinainy 25 Aogositra 2025

Sahirana ara-pivelomana avokoa ny ankamaroan’ny mpianatra eny anivon’ireo sekoly

ambaratonga fototra na EPP eto Antananarivo, renivohitra, raha ny fanadihadiana nataon’ny Fikambanana tsy miankina Tokontanibe Malagasy. Zara raha manana akanjo roa sasany hufandimbiasana ao anatin'ny herinandro, tsy misakafo atoandro raha tsy lazaina intsony ny tsy fahampian'ny fitaovana hampiasaina. Tsy mivelatra ihany koa ny sain’izy ireo noho ny tsy fahampian’ny fialam-boly, antony hanaovan’ny fikambanana, hetsika ara-kolontsaina. Ny 30 Aogositra ho avy izao no hanatontosany izany etsy amin’ny « La teinturerie » Ampasanimalo hanampiana ireo mpianatra sahirana.Mpanankato maro no handray anjara amin'izany raha araka ny fanazavan-dRabezato Avotra tompon'andraikitra ao anatin'ny Fikambanana. Hozaraina amin'ny mpianatra ny vola azo rehetra amin'izany amin'ny alalan'ny famatsiana fitaovam-pianarana....EPP miisa 99 eto Antananarivo renivohitra no hahazo tombontsoa amin'izany.
Pati
Légende : Mety hahazo izay fanampiana izay ireo mpianatry ny EPP Analakely ! Sary fanehoana