Fampianarana

Mpianatra manala CEPE Tsy terena hisotro Covid Organics

Fampianarana
Alarobia 29 Aprily 2020

Tsy nomen’ny fanjakana ilay tambavy CVO na Covid oragnics ireo mpianatra ao amin’ny taona fahadimy rehetra niditra an-dakilasy nanomboka afak'omaly alatsinainy.

Noho izy ireny voasokajy ho mbola marefo no anton’izany raha araka ny fanazavan’ny sekretera jeneralin’ny Ministeran’ny fanabeazam-pirenena sy ny fanofanana ara-teknika Atoa Herimanana Razafimahefa ka omena fahalalahana ireo Ray aman-dRenin’izy ireny. Tsiahivina moa fa saika tonga namonjy ny sekoly avokoa ny ankamaroan’ireo mpianatra ao amin’ny taona fahadimy hiatrika ny fanadinam-panjakana CEPE tamin’io afaka omaly alatsinainy io. 90 % izany raha kely ho ana sekoly miankina sy tsy miankina amin’ny fanjakana miisa 4 nanaovanay fanadihadiana. Misy moa ny fampianarana azy ireo nampiditra sy nanala ny aron-tava isan’andro, tohizana hatrany ihany koa ny fanentanana amin’ny fanasan-tanana amin’ny savony sy ilay fanajana ny elanelana 1 metatra ho fiarovana amin’ny fiparitahan’ny tsimok’aretina coronavirus.

Pati