Fampianarana

Mpiadina CEPE ao Ankazobe Mety tsy hahazo taratasy fiantsoana ny sasany

Fampianarana
Alakamisy 09 Aogositra 2018

Miaina ao anaty tebiteby tanteraka ny ankamaroan’ireo ray aman-drenin’ny mpianatra any amin’ny fari-piadidiam-pampianarana Ankazobe amin’izao fotoana.

Raha ny fantatra dia tsy voaomana intsony ny taratasy fiantsoana an’ireo mpiadina sasany ka tsy hahazo taratasy fiantsoana izy ireo, mandritra ny fotoana hanatanterahana ny fanadinana, amin’ny talata 14 aogositra ho avy izao. Sekoly maromaro no voakasik’izay. Noho ny fitokonana notanterahin’ireo mpampianatra no anisan’ny antony. Efa nanomboka nozaraina omaly ny taratasy fiantsoana an’ireo mpampianatra izay hanatanteraka ny fiambenana. Ny loharanom-baovao azo avy tamin’ny mpampianatra any an-toerana dia hampidirina fotsiny ireo mpiadina sasany tsy nahazo taratasy fiantsoana ireo, amin’ny talata ho avy izao, ka eo am-baravarana vao hozaraina amin’ny tsirairay avy ny nomeraony. Mbola manana hatramin’ny rahampitso zoma ireo tompon’andraikitra.

Pati