Fampianarana

Mpiadina bakalora ao Alasora Manome “cours” maimaimpoana ny kaominina

Fampianarana
Alarobia 08 Martsa 2023

Laharam-pahamehana ho an’ireo kaominina sasany ny sehatry ny fanabeazana indrindra fa ny fampiakarana ny

voka-panadinana isan-taona ho an’ireo tanora mpianatra hiatrika ny fanadinam-panjakana toy ny BEPC sy ny Bakalorea. Voakasik’izany manokana ny kaominina Alasora izay miezaka hatrany manampy ny Ray aman-dReny sy ny mpianatra raha araka ny fanazavan’ny Ben’ny tanana Randriantsoa Jimmy. Taorian’ny fivoriana notanterahin’ny Structure Locale de Concertation na ny SLC eo anivon’ity kaominina ity dia tapaka fa hisy ny fikarakarana cours maimaim-poana ho an’ireo tanora mpianatra monina ao Alasora na aiza na aiza manovo fahalalana ka hiatrika ny fanadinam-panjakana BEPC sy Bakalorea. Ho an’itsy fanadinana voalohany dia fantatra fa mpianatra miisa 500 no efa nisoratra anarana. Efa nanomboka tamin’ny Sabotsy faran’ny volana Febroary teo kosa ny cours ka ao amin’ny CEG Alasora no hanaovana izany isaky ny andro Sabotsy. Mikasika ny cours ho an’ireo mpanala Bakalorea kosa indray dia hanomboka amin’ny volana Aprily na May ny fampianarana. Mbola mitohy hatrany noho izany ny fisoratana anarana ho an’ireo izay liana amin’izany.
Pati