Fampianarana

Mpampianatra sy mpanabe ao Ihorombe Mitaraina ho iharan’ny tsindrihazolena

Fampianarana
Alarobia 29 Janoary 2020

Mafy ny manjo ny mpampianatra any amin’ny DRENEP Ihorombe na ny fiadidiam-pampianarana any amin’iny faritra iny, raha ny fampitam-baovao avy any an-toerana.

Manararao-pahefana ireo tompon’andraikitra. Anisan’ny endrik’izany, ohatra, ny fampandoavana 5000 ariary ireo mangataka mari-pahaizana na “attestation” sy diplaoma. Ny zandrin’ny talen’ny DRENEP ihany no tomponandraikitra misahana ny fanadinana mitaky io vola io, raha ny fanazavana voaray. Teren’ny DRENEP ireo talen-tsekoly notendreny mba hampiditra ireo havany sy izay akaiky azy ho mpampianatra ENF. CEG Ihosy, CEG Ankily, EPP Besavoa Ihosy, EPP Anarafanja Ihosy no efa nanaiky izany ary tena nampalahelo ny FRAM satria tsy afa-nanohitra. Nisy ireo tsy nahazo “Panier garni”, nisy nahazo fa 7000 ariary, ny sasany 5000 ariary, hoy hatrany ity tatitra ity. Miantso ny minisitera, noho izany izy ireo mba handray ny andraikiny.

J. Mirija