Fampianarana

Partagé sur :
• facebook

Nandritra ny fananganan-tsaina teo anivon’ny Minisiteran’ny Fanabeazam-Pirenena omaly maraina natrehin-dRamatoa Minisitra Sahondrarimalala Marie Michelle sy ny Sekretera jeneraly Razafimahefa Herimanana no

nampahafantarana ireo tale vaovao voatendry nandritra ny filankevitry ny minisitra ny 30 septambra. Nandritra io nanamafisan’ny Sekretera Jeneraly, fa hisy fakana vola ho an’ny mpampianatra FRAM fa ho maimaimpoana avokoa ny rehetra. Ho hafakely ny fampitaovana satria ankoatra ny sekoly manara-penitra, dia nambara fa hisy ny fizarana dabilio manara-penitra, ka ny zaraina any Ikelivondraka, ohatra, dia tahaka ireny zaraina any Paris Frantsa ireny. Hisy ny fizarana kiraro, kit scolaire, tableu,… hoy ny fanazavana. Mbola baraingo kosa na vita ao alohan’ny fidirana na tsia. Eo amin’ny famatsiana ara-bola ny “caisse scolaire” dia misy avy amin’ny fitondram-panjakana, misy avy amin’ny mpiara-miombon’antoka na ny PTF, Banky Iraisam-pirenena. Eo amin’ny fangatahana ilay “avis de non objection” isika amin’izao fotoana izao, ka ho raikitra ny “caisse ecole”. Izao dia izao dia hiantso sy handefa taratasy nakany Washington mba hahatongavan’izany haingana, ary eo am-piandrasana ny valiny amin’izao fotoana izao, hoy i Herman Razafimahefa. Tsy maintsy hiditra amin’ny fanafoanana CEPE isika eto Madagasikara na hoe ela na ho haingana, ka hisy ny fanazavan’ny Minisitry ny fanabeazana atsy ho atsy. Hisy “ trois sous-cyles”, ka rehefa vita ny “cycle” iray dia hisy fizarana “certificat” homena ny mpianatra, raha ny fanazavana. Efa tamin’ny Fitondrana Ravalomanana no namolavolana ny fanovana ny rafi-pampianarana, ka isan’izany ny fanafoanana ny CEPE saingy isan’ny nanakianana sy nanenjehana azy. 15 taona eo ho eo aty aoriana isika hiroso amin’izany ihany, izay midika fa nisy fahatarana be.

Toky R

Tia Tanindrazana

Samia mijoro ho an'i Gasikara.