Fampianarana

Minisiteran’ny fanabeazana Mpiasa tsy ara-dalàna maherin’ny 200 sarona

Fampianarana
Alakamisy 24 Martsa 2022

Nankatoavina tao anatin’ny filankevitry ny minisitra omaly 23 martsa ny fampitam-baovao mikasika ny fanapahana ny fifanaraham-piaraha-miasa hosoka sy tsy mitombona sy ny fanapahana ny karaman'ireo olona izay nisitraka izany teo

anivon'ny Minisiteran'ny Fanabeazam-pirenena. Maherin’ny 200 ny fifanarahan’asa tsy ara-dalàna nandritra ny asa fanamarinana sy fanaraha-maso ny fizotry ny fandraisana mpiasa tamin'ny alalan'ny informatika, nataon'ny minisiteran 'ny Fanabeazam- pirenena ny volana janoary 2022, hoy ny tatitra. Manoloana izany hosoka izany, dia nandray ny fepetra manafoana ireo fifanarahana sandoka ireo ny minisitera ary manatsahatra ny fanomezana « immatriculation ho an’ireo mbola an-dàlam-pikarakarana, ary ny fampiatoana ny karaman’ireo mpiasa efa nahazo “immatriculation” sy efa nandray karama. Efa mandeha ny famotorana anatiny amin'izao fotoana izao mba hahitana ireo olona tafiditra amin'ity raharaha ity, hoy hatrany ny tatitra. Efa nisy ihany koa ny fametrahana fitoriana noho ny fanaovana kolikoly, ny fanaovana hosoka sy famplasana hosoka, ary koa noho ny “cybercriminalité” teny anivon'ny PAC (Pôle Anti-Corruption du Premier Degré) eto Antananarivo. Matoa misy ny fandraisana dosie hosoka, dia nisy ihany koa ny lesoka na tsy fahamalinana na koa tsikombakomba tamin’ny mpandray izany.
Toky R