Fampianarana

Miantoka ny ho avin’ny firenena Mila politika matotra ny fanabeazana

Fampianarana
Alatsinainy 31 Aogositra 2020

Na ireo firenena matanjaka na koa mikatsaka fandrosoana dia tsy manao ambanin-javatra ny kalitaon’ny fampianarana satria izany no fototry ny fototry ny fampandrosoana.

Na eo aza ny harena ary na misy aza ny asa, dia ilaina ny fahaiza-manao miainga amin’ny fianarana noratovina. Ny « Capital humain » ananan’ny orinasa iray dia isan’ny singa fototra ahafahany mandroso sy mivelatra na tsia. Izany hoe ny “capital humain” dia herijika ho an` ny firenena. Eto Madagasikara anefa dia tena mbola ratsy kalitao ny fampianarana. Araka ny tatitra nataon` ny PASEC ny taona 2017. 75% an’ireo mpampianatra eny amin’ny EPP dia tsy manana diplaoma akory .Izany hoe zara raha manana taham-pahalalana ambony noho ny mpianatra ampianariny. Mahagaga anefa fa mbola latsaky ny 15%n` ny tetibolam-panjakana ihany ny tetibola nomena sy atokana hanatsarana ity sehatra ity. Ireo firenena mandroso maneran-tany anefa dia tsy latsaky ny 92% ny tahan` ny fampidirana ankizy an-tsekoly sy ny tsy fahaizana mamaky teny (alphabétisation). Raha lazaina fa fototry ny fampandrosoana ny fampianarana sy ny fanabeazana dia tokony laharam-pahamehana ho an'ny mpitondra izany ny fanomezana ireo enti-manana ilaina mba hahatanteraka izany marina isan'ambaratonga kanefa raha bado ny vahoaka amin` ny firenena iray dia tsy hisy mihitsy ny fampandrosoana.

Marigny A.