Fampianarana

Mampianatra mivondrona ao amin’ny UPCM « Avoahay haingana ny datim-panadinana »

Fampianarana
Alatsinainy 29 Jona 2020

Mangataka ny hamoahana haingana ny datin’ny fanadinam-panjakana CEPE sy BEPC ny Union des professeurs certifiés de Madagascar na ny UPCM.

Diso mitaintaina loatra ny Ray aman-dRenin’ny mpianatra sy ny mpianatra hoy izy ireo raha nitafa tamin’ny mpanao gazety izy ny sabotsy lasa teo. Toraka izany koa ny fanapahan-kevitra tokony horaisina amin’ireo kilasy tsy hiatrika ny fanadinam-panjakana. Takian’izy ireo ihany koa ny hijeren’ny Fitondram-panjakana ny vacation-n’ireo mpampianatra mbola tsy voaloa mba hampirindra araka ny tokony ho izy izany fanadinam-panjakana izany. Nomarihin’ireto mpanabe mivondrona ao amin’ny UPCM ireo moa fa tokony ho teknisianin’ny fanabeazana, mahalala tsara ny olana sedrain’ny fanabeazana eto amintsika ihany koa no hapetraka ho ministra hitantanana ity ministera iray ity. Marihina moa fa efa manana drafi-panarenana hatolotra ny Fitondram-panjakana hanatsarana ny kalitaon’ny fanabeazana eto amintsika ny UPCM. Tanjon’izy ireo ny hamerenana ny hasin’ny fanabeazana eto amintsika.

Pati