Fampianarana

Partagé sur :
• facebook

Nisitraka sekoly vaovao miompana amin`ny teknolojia ny LTP Dzamandzar ao Nosy-Be Hell Ville. Sekoly hafakely tokoa no azon`ny mpianatra satria sekoly-cyber na « Cyber-Ecole » no natsangana.

Ny sekoly cyber dia ho sehatra ara-teknika lehibe indrindra eo amin'ny toerana misy ny fampiharana amin'ny fampiofanana momba ny asa, indrindra amin'ny TIC. Ny tanjon'ity tetikasa ity dia ny hampiofana tsy tapaka ireo tanora amin'ny alalan'ny TIC izay  fahaizana fototra amin'ny fandaharam-pianarana, mba hahafahan'izy ireo hahazo fahaizana sy hampihatra fahaiza-manao eo amin`ny tontolon`ny asa ary mba hirosoana amin`ny  dingam-pifandraisana matihanina kokoa. Ity sekoly ao amin`ny LTP Dzamandzar ity dia iray amin'ireo sampam-pampitam-pifidianana voafidy eo amin'ny fampiharana ny politika nasionalin`ny asa sy ny fampiofanana arakasa (PNEFP). Ho fampahatsiahivana, ny iray amin'ireo tanjon'ny politika dia ny "fametrahana rafitra ETFP/DC mifanaraka amin'ireo fanamby tokony hojerena" ary ny TIC no iray amin'ireo sehatra manan-danja amin'ny governemanta izay manana tanjona ambony. Ny fanatsarana toerana fampiofanana ho an'ny tanora dia mampiseho ny fanoloran-tenan'ny MEFTP hanohy ny fanatanterahana ny PNEFP mba hanomezana fahafaham-po ny filàna ara-toekarena. Ity tetikasa ity dia hisy fiantraikany eo amin'ireo mpianatra any amin'ny sekoly ambaratonga ambony. Nametraka fiaraha-miasa tamin'ny fananganana sekoly amin'ny aterineto entina hampiofana ireo tanora izay hisehatra amin`ny fivoarana ara-teknolojia (TIC) na « micro-operator TIC » ny minisiteran`ny fampianarana ara-teknika sy fampiofanana arak`asa, ny UNESCO ary ny Fondation Telma.  ary koa sehatra hifanakalozana hafa mifandraika amin'ny nosy Nosy Be.

Marigny A.

Tia Tanindrazana

Samia mijoro ho an'i Gasikara.