Fampianarana

Lamaody sy fampihaingoana ny ati-trano Namoakatra mpianatra 400 isa ny ECCOVA

Fampianarana
Alarobia 26 Desambra 2018

Namoaka mpianatra 400 isa ny “Ecole de Coupe et Couture Volana” eto Antananarivo, tarihin-dRazanamanalina Volana

:Nisy tamin’ireo mpianatra no nianatra lamaody no sady niangaly ny fampihaingoana ny ati-trano ihany koa mba hampivadiana ny asa. Mbola malalaka rahateo ny tsenan’ny asa, indrindra ho an’ireo mahay mamorona. Andiany miakanjo tsara no anarana nisaloran’izy ireo, nianatra nandritra ny enim-bolana raha kely no sady niatrika ny fitsapam-pahaizana niarahana tamin’ny Ministeran’ny fampiofanana arak’asa avokoa. Afa-panadinana soa aman-tsara avokoa moa izy ireo raha araka ny fanazavan’ny filoha mpanorina ny sekoly ka vitsy ireo efa nahita asa na koa nahatsangana orinasa kely ho an’ny tenany manokana. Tsiahivina moa fa misy lehilahy hatrany ao anatin’ireo andiany efa nivoakan’ny Eccova hatramin’izay ka ankoatra ny asa fanjairana tsotra nahafantarana azy ireny dia tsy vitsy ihany koa ireo lasa mpanamboatra kiraro sy pôketra matihanina. Hanohizan’ny Eccova ny hetsika amin’ny taona 2019 ho avy io ny fankalazan’izy ireo ny faha-25 taona niorenan’ny sekoly.

Pati