KAOMININA BEMASOANDRO

Nahazo seza sy latabatra ny mpianatra

Fampianarana
Zoma 18 Jolay 2025

Mitohy ny fanatsarana ny sehatry ny Fanabeazana ho an’ny kaominina ambanivohitr’i Bemasoandro,

distrikan’Atsimondrano. Ankoatra ny nanokanana ny andro Sabotsy faran’ny volana mba hanadiovan’ny sekoly tsy an-kanavaka ny trano fianarana sy ny manodidina azy dia nahazo dabilio sy seza maoderna miisa 72 avy amin’ny Ministeran’ny Fanabeazam-pirenena koa izy ireo. Omaly Alakamisy 17 Jolay no nanolorana tamim-pomba ara-teknika ireo fitaovana ireo. Raha araka ny fantatra dia hotsinjaraina ho an’ireo mpianatry ny EPP sy ny CEG ao Bemasoandro ireo seza sy latabatra ireo. Ho famporisihina ny ankizy mpianatra hazoto hianatra no tanjona raha eo ihany koa ny famaliana ny filan’izy ireo amin’ny andavanandro. Na izany aza dia nampianarina azy ireo sahady ny tokony hahaizany mikoja sy manaja ny fitaovana ho dimbiasan’ireo taranaka faramandimby.
Pati
Legende : Notanterina tamin’ny kamiao tahaka izao ireo dabilio sy seza vaovao ireo !