Fampianarana

Kandida ho filoham-pirenena Tokony hanao tolotra politika vaovao

Fampianarana
Sabotsy 01 Septambra 2018

Tsy mifanaraka amin’ny zava-misy sy ilain’ny vahoaka Malagasy ny ankabeazan’ny tetikasan’ireo kandida mirotsaka ho filoham-pirenena, hoy ny mpahay toekarena Hugues Rajohnson.

Nisy ny famelabelarana nataony omaly zoma 31 aogositra teny amin’ny sekoly fandalinana Politika IEP Ampandrana. Araka ny tatitra natao tamin’ny fanadihadiana tamin’ny faritany enina nataon’ny mpianatra tao amin’ny IEP dia fantatra fa 70% no tsy manana fahatokisana amin’ny mpanao politika intsony. 60% kosa ny nilaza fa tsy afa-po tamin’ny fitondrana nisy teto Madagasikara. Nanambara ity mpampianatra toekarena ity fa tsy mifandray ny eritreritry ny Malagasy sy ny eritreritry ny olona te hitondra ny firenena. Tsy any amin’ny fotodrafitrasa tahaka ny hopitaly sy ny sekoly no ilain’ny olona, hoy izy fa ny fivelomana miainga amin’ny fiarovana tontolo iainana, ny zavamaniry ary ny biby.

Tsirinasolo