Fampianarana

ISFPS Leader Handefa Paramed any Angletera

Fampianarana
Alarobia 26 Septambra 2018

Ho afaka hiasa any Angletera sy ny manodidina avokoa atsy ho atsy ireo mpampivelona sy mpitsabo mpanampy vita fianarana eto amintsika havoakan’ny sekoly ambony ISFPS Leader.

Ny fananan’ny mpianatra ny mari-pahaizana licence sy ny fahaizana mamolaka sy mampiasa ny teny Anglisy no fepetra takiana, hoy Atoa Tsimiondreke Mahasoa, filoha tale jeneralin’ny sekoly hahafahana miady amin’ny tsy fananan’asa eto amintsika. Tsy maintsy ankizy vonona ny hioitra amin’ny fiainana kosa anefa no halefa any an-toerana. Vokatry ny fiaraha-miasan’ity sekoly ambony ity amin’ny oniversitem-panjakana any Angletera no angady nananana azy io izay hiitatra amina lalam-piofanana hafa toy ny fifandraisana, ny lalàna, ary ny transit et douane ho an’ireo mbola maniry ny hanohy fianarana. Tsy hijanona hatreo ny fiaraha-miasa. Hosokafana tsy ho ela eto amintsika ihany koa mantsy ny sekoly ambaratonga fototra hatramin’ny lisea hampiasa ny tenim-pirenena Anglisy ho fitsinjovana ny zaza Malagasy. Toerana telo no ahitana ny ISFPS Leader eto amintsika dia any Toliara, Farafoday ary ny etsy 67 ha.

Pati