Fampianarana

Gym Bepc sy Bacc Nodinihina ny paikady hiatrehana azy

Fampianarana
Alarobia 20 Mey 2020

Niara-nikaroka vahaolana hahafahana manatanteraka ny adina ara-panatanjahantena (EPS) ho an’ny fanadinana BEPC sy Bakalorea, tetsy amin’ny efitrano malalaky ny MENETP Anosy,

omaly talata 19 may, ireo mpampianatra EPS matihanina amin’ny ambaratonga faharoa niaraka tamin’ireo « proviseurs» sy talen’ny CEG avy eto Antananarivo sy ny manodidina ary teknisiana ambony avy amin’ny oniversite. Fiomanana ny amin’izay fanapahan-kevitra tokony horaisina amin’ireo fanadinam-panjakana ireo no nifampidinihana tamin’izany, toy ny fisafidianana ny taranja tokony sy tsy azo atao ; ny lamina apetraka rehetra mialoha sy mandritra ny fanadinana ; ny fanomanana ireo mpiadina sns. Hatolotra ny MESUPRES sy ny MENETP ny soso-kevitra nivoitra hotapahina. Marihina fa mbola tsy voafaritra ny daty hanaovana izany, fa miankina amin’izay ho toe-java-misy manoloana ny aretina covid-19 sy ny vanim-potoana hanatanterahana azy. Ny DES (Direction de l’enseignement secondaire) no namory ireo tompon’andrakitra ireo izay natrehin’ny Sekretera Jeneraly, ny Talen’ny Kabinetra ary ny Tale Jeneralin’ny Fanabeazana Ambaratonga faharoa sy ny Fanofanana ny daholobe (DGESFM) eto anivon’ny Minisiteran’ny Fanabeazam-Pirenena sy ny Fampianarana ara-Teknika sy arak’Asa.

Pati