Grevy eny anivon'ny Lisea teknika

Nivaha ny tao Ambositra,

Fampianarana
Alatsinainy 20 Aprily 2026

mipoitra indray ny ao Sambava

Mila hanao tohivakana ny fitokonanana eny anivon'ny Lycée Technique Professionnel. Saika fitakiana ny fanesorana Proviseur noho ny olana ara-pitantanana ny ankamaroany. Nisehoan'izany tao Ambositra. Nanomboka tamin'ny febroary 2026 no nitokona ireo mpampianatra tao amin'ny LTP Ambositra. Nitaky ny fampitsaharana ny Proviseur ireo mpampiatra noho ny tsy fahafaham-po amin'ny fomba fiasany no voalaza fa antony. Roa volana aty aoriana, voatendry ny mpisolo toerana vonjimaika. Nanao fanambarana ireo mpanabe fa miverina amin'ny laoniny ny asa fampianarana manomboka ny Alarobia 15 Aprily. Raha nivaha anefa ny olana tao Ambositra dia mitokona indray koa ny mpianatra sy ny mpisehatra ao amin'ny LTP Sambava ny zoma teo, mitaky ny hialan’ny Proviseur vaovao indray koa noho ny olana sy tsy fahatomombanana samihafa miseho ao amin’ny sekoly araka ny nambaran'izy ireo. Voatanisa ho antom-pitakiana ny fitantanana tsy mazava, ny tsy fahamarinana amin’ny sekoly, ny fanapahan-kevitra manimba ny mpianatra ka mahatonga azy ireo hitsangana hiaro ny zo sy ny hoavin'izy ireo araka ny fitakiana. Milaza ny hanohy hatrany ny grevy izy ireo mandra-pivaly ny fitakiana.
Jean D.
Mpanao fitakiana ao amin'ny Lycée Technique Professionnel Sambava