Fampianarana

Fizakan-tenan’ny oniversite Manantena ny HCC handinika lalina, hoy ny SECES Antananarivo

Fampianarana
Alatsinainy 23 Janoary 2023

Mbola tsy nahazoam-baovao hatreto ny mikasika ny tolo-dalana izay lany teny anivon’ny antenimiera momba ny fizakan-tenan’ny oniversite,

hoy ny filohan’ny sendikan’ny mpampianatra mpikaroka sy mpikaroka mpampianatra na SECES Antananarivo, ny Pr Sammy Grégoire Ravelonirina. Mino sy manantena ary matoky ny fahendren’ireo mpikambana ao amin’ny fitsarana avo momba ny lalampanorenana na HCC izahay, hoy izy, mba handinika lalina hoe fa maninona tokoa moa ny antenimieram-pirenena sy loholona, izay lazaina fa samy misy mpahailalana, no manaiky ny handaniana izany tolo-dalana izany. Hitan’ny rehetra fa tena ilaina izany io fizakan-tena io satria fanoitry ny firoborobon’ny oniversite miankina amin’ny fanjakana. Mitarika fisian’ny filaminana maharitra eto amin’ny tany sy ny firenena ny fisian’io zavatra io, hoy hatrany ny tenany.
J. Mirija