Fampianarana

Firenena Italianina Vonona hampihatra ny "plan Mattei" eto Madagasikara

Fampianarana
Alakamisy 27 Aprily 2023

Naneho ny fahavononany hanamafy ny fiaraha-miasa amin'i Madagasikara ny firenena italiana eo amin’ny sehatry ny famokarana angovo azo havaozina,

indrindra, ao anatin’ny fampiharan'i Italie ny "plan Mattei" miaraka amin'ireo firenena Afrikana, hoy ny fampitam-baovao voaray omaly mikasika ny fametrahan’ny masoivohon’i Italia vaovao eto amintsika ny taratasy ofisialy manendry azy. Io no anisan'ny noresahana nandritra ny fanoloran’ny masoivoho vaovao, Paolo Cuculi, ny taratasy manendry azy hiasa eto amintsika tamin'ny filoham-pirenena, Andry Rajoelina, teny amin’ny lapam-panjakana Iavoloha. Noresahan'ny roa tonta nandritra izao fihaonana izao ihany koa ny fiaraha-miasa eo amin’ny lafiny fahaiza-miatrika ny fiovaovan’ny toetrandro, ny varotra sy ny fiompiana sy fambolena na "agro-alimentaire". Maro ireo mpizahantany italiana no mitsidika an'i Madagasikara, indrindra fa ao Nosy-Be, ka naneho ny fahavononany ny firenena roa tonta fa hanao ny ezaka rehetra hampiroborobo io sehatra io sy ny isan'ireo mpizahantany, hoy hatrany ny fampitam-baovao.
J. Mirija