Fampianarana

Fiatrehana ny fidiran’ny mpianatra Ho mafimafy ny miandry ireo ray aman-dreny

Fampianarana
Alatsinainy 17 Aogositra 2020

Mahereza daholo ny Ray aman-dreny rehetra fa hiatrika sahady ny fidiran'ny mpianatra, hoy ny mpandraharaha sady raim-pianakaviana iray. Vola be no ilaina amin'io.

Eo ny resaka fisoratana anarana, ny « droit et frais généraux », ny fampitaovana, ny aronakanjo, ny boky, ny akanjo vaovao sy ny hafa maro, indrindra moa rehefa tsy iray intsony ny zaza mianatra. Tena Mbola tsy nisy nangidy toy ity raha tranga teto amin'ny firenena. Ny asa potika, ny kely nangonina ritra, tsy fantatra hoe rahoviana vao hilamina ny fiainana. Mahereza daholo fa ny adidy amin'ny zanaka indray tsy maintsy vitantsika foana. Miady mafy isika fa tsy misy manaiky ho resy izany, hoy izy. Ho mafimafy amin’ireo ray aman-dreny tokoa, raha ny fanadihadiana natao, ny hiandry azy ireo ao anatin’izao akatoky ny fidiran’ny mpianatra izay nialohavana krizy lavareny izao. Enjana fa tsy maintsy hatrehina, hoy ny renim-pianakaviana sasany. Ny mahagaga dia mangina tanteraka ny fanjakana na inona na inona ataon’ireo sekoly tsy miankina, hoy koa ny ray aman-dreny hafa.

Nangonin’i J. Mirija