Fampianarana

Fiatrehana bakalorea any Mahabo Tahaka ny tranom-biby no ivantanan’ireo mpiadina

Fampianarana
Alarobia 19 Jolay 2023

Natao ihany ny tsy hiteny, kanefa efa tena mampalahelo loatra, hoy ny fanamarihan’ny olona any an-toerana

manoloana ny trano fandraisana ireo mpianatra avy amin’ny distrika hafa izay miatrika fanadinam-panjakana ao amin’ny Foibem-panadinana ao Mahabo. Toerana tsizarizary izay sokajian’ny mpitantara ho “tahaka ny tranon-kisoa” no andraisana ireo mpianatra avy any Morondava, Analaiva, Ankilizato, Belo Tsiribihina,… Efitranon-tsekoly, tranohazo tsizarizary sy makaka na banga be ny rindrina no hatoriana, ary labozia no ampiasaina fa tsy misy herinaratra,… Manginy fotsiny ny hatsiaka hiainana amin’izao vaninandro ririnina izao. Iza no tompon'andraikitra amin'izao? Ny mpianatra ve sa ny mpampianatra mitondra azy ireo sa ny Ray aman-dReny na koa ireo sekoly mampiantrano? hoy ny fanontaniana? Hanao fanadinana ve dia izao no hiainanareo ka inona ny hisafidianana foibem-panadinana any sa tsy afa-manoatra? Ireo mpampianatra sy solon-tenan'ireo Ray aman-dreny mitondra ireo zaza ve mba mandinika hoe tsy mety amin'ny zaza hanao Bakalorea no hatory amin'izao? hoy hatrany fanamarihana. Toe-javatra maneho hatrany itony fa na betsaka aza ny endrika ivelany hoenti-milaza fa tena mitsinjo ny fampianarana sy ny zaza Malagasy dia mbola maro ireo zavatra marary sy aretina mikiky amin’ny tontolon’ny fampianarana eto Madagasikara. Mila jerena akaiky!
Toky R