Fampianarana

Fiaraha-miasa amin’ny tsy miankina Akany fibeazana fototra miisa 5 no indray notokanana

Fampianarana
Alakamisy 17 Jona 2021

Tontosa tetsy amin’ny EPP Antanimena II – Antananarivo, omaly, ny fitokanana ireo Ankany fibeazana fototra (prescolaire) miisa 5

nantsangana eny anivon’ny EPP. Namboarina ho anisan’ny “Sekoly Telma” izy ireo izay anisan’ny programanasan’ny Fondation Axian, miaraka amin’ny Ministeran’ny fanabezanam-pirenena sy ny Kaominina Antananarivo Renivohitra. Distrika samihafa eto Antananarivo no nananganana ireo Ankany fibeazana mifandraika amin’ny Sekolim-panjakana ambaratonga voalohany ireo ka anisan’izany ny tetsy Antanimena II , Benasandratra, Ambodiafontsy, Ambohinaorina, Ampitatafika ary Soaniedanana. Mikendry ny fanatsarana ny fidirana amin’ny fanabeazana fototra ho an’ny ankizy ny fananganana foto-drafitrasa toy izao. Ankizy 290 mahery isan-taona no hahazo tombony sy hisitraka amin’ny fananganana ireo foto-drafitrasa ireo.

Jean D