Fampianarana

Fanohizana fianarana any ivelany Mila fiomanana tsara

Fampianarana
Sabotsy 02 Martsa 2019

Nanomboka omaly zoma 1 martsa etsy amin’ny hotel Carlton Anosy ary hifarana anio sabotsy 2 martsa ilay “Salon des études Internationales” andiany fahafolo karakarain’ny Madajeune.

Toeram-pampianarana ambony avy any ivelany am-polony no miara-mandray anjara amin’izany ka ny tanjona dia ny hampahafantaran’ireo tanora Malagasy ny tsara ho fantatra rehetra momba ny fahafahana manohy fianarana any ivelany, araka ny fanazavan’Andriamahatsangy Lahatra, tompon’andraikitra eo anivon’ny Madajeune. Raha maniry ny hanohy fianarana any ivelany dia tsy maintsy homanina mialoha ny vola ilaina, ny trano hipetrahana any an-toerana, ny taratasy hahafahana mivoaka ivelan’i Madagasikara. Tsy latsa-danja amin’ireo ny lalam-piofanana arahina. Nampiavaka ity andiany fahafolo ity ny fisian’ireo oniversite lehibe avy any Aostralia, Maorisy, Inde ary Indonezia. Misy hatrany ny kaonferansa hanomezana valiny ireo fanontaniana manitikitika ny ray aman-dreny sy ny mpianatra mandritra izao Salon izao. Isaky ny adiny iray no hanatanterahana izany iarahana amin’ireo tompon’andraikitra efa matihanina.

Pati