Fanohizana fianarana

any ivelany Frantsa sy Kanada no tena be mpifidy

Fampianarana
Zoma 25 Aogositra 2023

Maro ireo mpianatra malagasy te hanohy ny fianarany any am-pitan-dranomasina, raha ny fanazavan’ny avy eo anivon’ny Andafy study,

saingy olana ny ara-bola. Antony io, hoy ny mpitantana ity orinasa mpikarakara izany ity, Dina Randria, hampahafantarany ny momba ny tokony atao mikasika izany ny 24 sy 25 aogositra eny amin’ny Analamanga hotel Tanjombato. Miisa 3000 eo ny ankizy eto Madagasikara mandeha manohy fianarana any an-dafy isan-taona. Kanada sy Frantsa no tena betsaka mpifidy. Izay mahaloa saram-pianarana dia efa alamin’ilay oniversite mandray azy ny taratasy mikasika izany na “visa”, hoy hatrany ny fanazavana. Manodidina ny 30 tapitrisa Ariary hatramin’ny 80 tapitrisa Ariary isan-taona no totalin’ny vola lany amin’izay fanohizana fianarana any ivelany izay, hoy hatrany ny fanampim-baovao voaray.
J. Mirija