Fampianarana

Fanohizana fianarana any ivelany Firenena maro no vonona handray ireo mpianatra Malagasy

Fampianarana
Talata 22 Janoary 2019

Samy maniry ny handeha hanohy fianarana any ivelany avokoa ny ankamaroan’ireo tanora Malagasy manana ny maripahaizana Bakalôrea.

Noho ny tsy fahampian’ny hoenti-manana anefa dia betsaka ireo tavela eny fa na dia manampahaizana aza. Hanampy azy ireny indrindra no antom-pisian’ny “Fan education Agency”. Hanatanteraka ilay “salon” goavana antsoina hoe : éducation global expo izy ireo ny 01 sy ny 02 febroary ho avy izao ka etsy amin’ny hotel Carlton Anosy no hanatanterahany izany. Tanjon’ny Fan education ny hahafahana manazava amin’ireo tanora Malagasy maniry hanohy fianarana any ivelany ny fiaraha-miasany amin’ireo oniversite iraisam-pirenena marobe miaraka aminy. Anisan’ireny ireo oniversité ao Etazonia, Canada, Alemana, Autriche, Inde, ny ao amin’ny Nosy rahavavy Maurice…. Tsiahivina moa fa anisan’ny manamaivana ny fikarakarana ny antontan-taratasin’ireo mpianatra maniry hanohy fianarana any ivelany ny Fan éducation sady manoro hevitra ireo ray aman-dreny koa.

Pati