Fampianarana

FANEDUCATION AGENCY Mitohy ny fandefasana mpianatra any ivelany

Fampianarana
Sabotsy 01 Jolay 2017

Ivontoerana iray manohana sy manampy ireo ankizy manana ny mari-pahaizana Bakalôrea maniry ny hanohy fianarana any ivelany ny “Faneducaton agency” eny Antsahavola.

Mpianatra Malagasy 15 no efa nalefany tany ivelany tamin’ny taon-dasa, mahatratra 150 isa kosa ireo oniversite maneran-tany miara-miasa aminy. Mitohy ny fanampiana ny tanora tontosain’izy ireo. Efa misokatra indray mantsy ny fisoratana anarana ho an’ireo mpianatra maniry ny handeha ho any ivelany amin’ny taom-pianarana manaraka, hoy Andriamatoa Fanambinana Jacky ka anisan’ny andraikitra raisin’ny agence tantanany ny fampahafantarana ny mpianatra ireo tsara ho fantatra rehetra toy ny oniversite misy ilay lalam-piofanana tian’ilay mpianatra arahina, ny saran-dalana mihazo an’ilay firenena tiany halefa, ireo antontan-taratasy tsy maintsy angonina… Maharitra telo ka hatramin’ny sivy volana ny fikarakarana hataon’ny faneducation ilay mpianatra mandritra izany, mialoha ny hialany eto an-tanindrazana.

Pati