Fampianarana

Fanadinana enim-bolana faharoa CNTEMAD Mpianatra 18.000 no hiatrika izany

Fampianarana
Alarobia 17 Oktobra 2018

Mpianatry ny sekolim-panjakana Cntemad miisa 18.000 no hiatrika ny fanadinana enim-bolana faharoa ny 22 ka hatramin’ny 26 oktobra ho avy izao manerana ny Nosy.

Tafiditra ao anatin’ny fanarahana ny rafitra LMD izay napetraky ny fanjakana ny fanatontosana izany, raha araka ny fanazavan’Atoa Djohary Andrianambinina, talen’ny sekoly. Mpianatra avy amin’ireo distrika 44 isa manerana ny Nosy ireo raha araka ny fanazavany hatrany efa mihoatra ny isan’ireo faritra misy eto amintsika satria sekolim-panjakana miezaka manakaiky ny vahoaka ny Cntemad. 72 taona no zokiny indrindra manovo fahalalana amin’ireo mpianatra ao amin’ity sekolim-panjakana iray ity, hoy hatrany izy raha 15 taona no zandriny indrindra. Nomarihiny manokana moa fa azon’izy ireo raisina avokoa rehefa olona manana ny mari-pahaizana Bakalôrea vonona ny hanohy ny fianarany. Rehefa mahay mantsy ny olona iray hoy Atoa Djohary Andrianambinina dia mandroso ho azy ny fari-piainany, paikady iray hahafahana miady amin’ny fahantrana eto amintsika.

Pati