Fampianarana

Fanadinana CEPE Izay lesona vita ihany no hanadinana

Fampianarana
Alakamisy 04 Jona 2020

Na dia mbola tsy voafaritra sy tsy fantatra mazava aza hatreto ny daty voatondro hanatanterahana ny fanadinam-panjakana CEPE noho ny hamehana ara-pahasalamana dia efa vita ny fisafidianana farany ireo laza adina ho an’ireo kilonga madinika hiatrika izany fanadinam-panjakana izany.

Afak’omaly talata 02 jona no nanatanterahana izany teo anivon’ny Ministeran’ny Fanabeazam-pirenena sy ny fanofanana ara-teknika. Anisan’ny nivoitra tao anatin’izany ny fa hampifanarahana amin’ny fandaharam-pianarana vitan’ny mpianatra isan-taranja ny laza adina hatolotra azy ireo. Inoana ihany koa araka izany fa hitovy tsy misy hafa amin’izay ny an’ireo mpiadina hiatrika ny fanadinam-panjakana BEPC. Marihina moa fa mbola nitohy omaly alarobia ity fivoriana notanterahina teo anivon’ny Ministeran’ny Fanabeazam-pirenena sy ny fanofanana ara-teknika ity.

Pati