Fampianarana

Fanadinana CEPE - Antananarivo Nihena 7,43% ny tahan’ny fisoratana anarana

Fampianarana
Alatsinainy 25 Aprily 2022

Nihena 7,43% ny tahan’ny fisoratana anarana amin’ny fiatrehana ny fanadinam-panjakana CEPE ho an’ny fari-piadidiam-pampianaran’Antananarivo renivohitra raha araka ny tarehimarika navoakan’ny minisiteran'ny fanabeazam-pirenena.

Raha nahatratra 30. 325 isa mantsy ireo nisoratra anarana tamin’ny taon-dasa dia nihena ho 28 069 izany tamin'ity taona 2022 ity. Nihena hoy 7,43% araka izany ny isan'ny mpiadina. Tsara ny manamarika fa efa manomboka miroso tsikelikely amin'ny fanadinana andrana ireo sekoly sasany ankehitriny indrindra fa ireo tsy miankina. Tsy miova kosa ny tetiamdro hanatanterana ny fanadinana raha araka ny vaovao hatrany fa mijanona amin’ny datin’ny 21 Jona ho avy izao. Noho ny fahasahiranan’ny Ray aman-dReny amin’ny ankapobeny no mampihena ny isan’ireo mpiadina indrindra fa amin’ny resaka sakafo sy fitaovana ho an’ireo mianatra eny anivon’ny sekolim-panjakana toy ny EPP.
Pati
Legende : Nihena ny isan’ireo mpiadina hiatrika CEPE eto Antananarivo