Fanadinana CAP

EP Ny faritra Analamanga no be mpiadina indrindra

Fampianarana
Alarobia 25 Novambra 2020

Nizotra tamim-pilaminana ny fanombohan’ny fanadinana CAP/EP ho an’ny

mpampianatra omaly talata 24 novambra teny anivon’ireo maro samihafa DREN . Tsy nisy ny olana tamin’ny ankapobeny. Teto amin’ny faritra Analamanga no be mpiadina indrindra izay nahatratra 821. Nahatratra 1146 kosa izany ho an’ny Faritra Vakinankaratra sy Amoron’i Mania mitambatra, 562 isa ho an’ny faritra Vatovavy Fitovinany, 397 ho an’ny faritra Analanjirofo, 231 ho an’ny faritra Diana, , 162 ho an’ny faritra Sava, ary 73 ho an’ny Faritra Menaky.Tonga nanokatra ny fanadinana omaly ireo iraka avy amin’ny ministera foibe sy ny avy eo anivon’ny DREN ary ireo tompon'andraikitra isaky ny fari-piadidiam-pampianatra. Mbola hitohy anio ny fanadinana. Tsiahivina hatrany moa fa fanadinana natokana ho an’ny mpampianatra mpanabe ny CAP/EP. Tsy ny hahazoana diplaoma fotsiny no tanjona ao anatin’izany fa ny mba hananana traikefa entina hanatsarana ny fanabeazana omena ny mpianatra ihany koa.

Pati