Fampianarana

Fanadinana BEPC Nampian’ny polisy ilay tovovavy tsy salama tampoka

Fampianarana
Talata 22 Septambra 2020

Tovovavy mpiadina iray no tsy salama omaly maraina raha nanatrika ny fanadinam-panjakana BEPC tao amina foibem-panadinana iray teto an-drenivohitra.

Teo am-pamitana ny taranja Malagasy mihitsy izy no nitaraina ho tsy salama. Ny polisim-pirenena no nandray an-tanana nanampy io tovovavy io araka izany, nandefa azy tamin’ny fiara karetsaka hamonjy fodiana no sady niantso ny fianakaviany. Tsiahivina moa fa tsy ny manao fanentanana sy misambotra ihany no asan’ny polisy fa manao izay ho afany hanampiana ny mpiara-belona koa izy ireo. Anisan’izany ny fanampiana ny vehivavy teraka amin’ny alina, taraiky tsy mahita fiara eny an-dalana, ireo mpiadina marary tahaka ity nitranga omaly ity, fihetsika izay efa nataon’izy ireo tamina mpiadina iray tamin’ny fanadinam-panjakana CEPE farany teo…. Tsy vitsy ireo nidera manokana izao fihetsiky ny polisy izao.

Pati